წესები და პირობები

წინამდებარე დოკუმენტში მოცემულია წესები, რომლებიც არეგულირებს ურთიერთობას თქვენსა (მომხმარებელს) და ფსიქოლოგს შორის. ვებსაიტით სარგებლობით და სესიის დაჯავშნით, თქვენ სრულად ეთანხმებით ამ პირობებს.

მომსახურების ფორმატი და ხანგრძლივობა:

​

• ყველა ფსიქოლოგიური სესია ტარდება მხოლოდ ონლაინ ფორმატში.

• სესიის ზუსტი ხანგრძლივობა და ღირებულება მითითებულია ვებსაიტის შესაბამის გვერდზე, კონკრეტული სერვისის არჩევისას.

• ონლაინ კონსულტაცია არ წარმოადგენს გადაუდებელ ფსიქიატრიულ ან სასწრაფო სამედიცინო დახმარებას. კრიზისულ სიტუაციაში კლიენტი ვალდებულია დაუყოვნებლივ მიმართოს გადაუდებელი დახმარების ოფიციალურ სამსახურს (112).

დაჯავშნა და ანგარიშსწორება:

​

• სესიის დაჯავშნა ხდება ვებსაიტზე სასურველი დროის შერჩევით და მომსახურების საფასურის წინასწარი გადახდით.

• ანგარიშსწორება ხორციელდება პარტნიორი ბანკების, ასევე Apple Pay და Google Pay სისტემების მეშვეობით.

სესიის გაუქმება და გადატანა:

​

• სესიის გაუქმება ან დროის გადატანა შესაძლებელია სესიის დაწყებამდე არანაკლებ 24 საათით ადრე.

• თუ კლიენტი გააუქმებს ან გადაიტანს სესიას 24 საათზე ნაკლებ დროში, გადახდილი თანხა უკან არ ბრუნდება და სესია ითვლება ჩატარებულად.

• ფსიქოლოგის მიზეზით სესიის გაუქმების შემთხვევაში, კლიენტს სრულად უბრუნდება გადახდილი თანხა ან სესია გადაიგეგმება მისთვის მისაღებ სხვა დროს.

დაგვიანების პოლიტიკა:

​

• კლიენტის დაგვიანების შემთხვევაში, სესიის დრო არ ხანგრძლივდება და იგი დასრულდება წინასწარ დაგეგმილ დროს.

• ფსიქოლოგის დაგვიანების შემთხვევაში, დაკარგული დრო სრულად ანაზღაურდება სესიის გაგრძელებით ან მომდევნო შეხვედრაზე დროის დამატებით.

 

ასაკობრივი შეზღუდვა

 

• არასრულწლოვანი (18 წლამდე) პირებისთვის სესიის დაჯავშნა და მომსახურების მიღება შესაძლებელია მხოლოდ მშობლის ან კანონიერი წარმომადგენლის წერილობითი თანხმობის საფუძველზე.